Le La ua goto

Le la ua goto i Salafai
La’u ta’amilosaga ua so’o ai
Se’i fai sina mapu o le tino ua vaivai
Te’i ua satia fua o foaga
E lele o le se ae taulamalama
O le ti’otala le laei o Uesiliana

Chorus
Ha ha hi hi ha ha ai a e pa
Ua ma lau oti fa’apea ua ou sala
Ali’i e e leai sina ou popole
Ua tau ma oe ou te le mafo’e
Aua e faigata le puou ona fofo’e

E le aoga le suo i le sepu
Si au lauga pei o se agelu
Malu au upu a’o lou loto e fa’anenefu
Ua sese ona fa’aoga lau pelu
Ua e utu vai i le vai na epu
Ua oona lau lipoti pei o se pelupelu
(Chorus)

Faiaoga e ua e taelase
Faitala pei se fafine tali tane
Tautala fua e te le’i maua a’u i le fale
Ou te le’i solia o se lotoa
Ua fa’atatauia ua e aia
Talu lou aiu fua i le tausala

Ita e ua te’i ina ua logotala
Fai mai o lea ou nofosala
Ua logo atu i le malo ma le Kovana
Ali’i e te leiloa lenei tagata
Ua afu lana tautua ia Samoana
A’o oe alii e le’i mago le lavalava
(Chorus x2)

2 Replies to “Le La ua goto”

    1. Please does anyone know the writer and the year it was released because they taught as it was a supervisor from mesc but i dont know the name…anyone help me for research asap

What are your thoughts...?