A son asking his mother for forgiveness from his mother after making thoughtless demands to her
Talking: A’o ou nofnofo pea na’o a’u i lo ma aiga ma lo’u tinā ile tasi aso, ona o’o atu ai laia ose manatu faapea ia te a’u, o sa ou tusiina ai lea se tusi ma tu’u i luga ole laulau, ae ou alu ese atu male fale. Ma ina ua taunu’u mai lo’u tinā ile fale, sa ia lauina la’u tusi, o a’u upu ia sa ou tusia ai,
Tina ea, oute mana’o ia e totogi lava ia te a’u tupe mo a’u galuega ia, ole sasaina ole vao, e lima tālā, o lo’u taeina mai o alala mo le ta afi i aso uma, e fa tālā, o lo’u fufuluina o ipu ile tele o taimi, e tolu tālā, o lo’u taeina ole otaota i taeao uma, e lua tālā, o lo’u teuina o moega i taeao uma, e tālā, male aofa’i, e sefulu male lima tālā.
Ina ua ou toe fo’i atu ile fale, ua leai lo’u tinā. A’o upu la nei o lana tusi,
Sa ou tau’aveina oe i lo’u manava i masina e iva, e leai se totogi, sa ou fa’asusu ma fafaga ia te oe, e leai se totogi, oute moe e taulaga i po uma ma fa’amafanafana i ate oe pe a malūlū,ma ou tatalo mo oe, e leai se totogi, oute pupula fo’i ile ao atoa male po ma si’i oe ile falema’i pe a e ma’i, e leai se totogi, sa ou fa’alavalava ma tu’uina atu oe ile a’oga ma totogi lau a’oga, e leai se totogi, ma ole totogi oute tu’uina atu mo oe mo nei mea uma, o lo’u ola, ma lo’u alofa, ma lo’u malosi atoa, e tausi a’i oe.
Singing: Lo’u tinā, ole tumu ile aga alofa, avea oe male fa’aola ile aiga
E te le fa’afiti i puapuagā. Pe galo fa’apefea ile tinā,
E faunau o lana tama male tigā,
Na’o loimata o le alofa, ei ona po a i taimi o puapuagā,
Lo’u matai, liligi mai lou manuia i lo’u tinā
Talking: Tinā ea, pagā le tele o lou alofa, sa e tausi, ma fa’alavalava, ma fafaga
ia a’u ina ua ou ola, o lenei ua ou maua ai lenei sa’olotoga , ae
pagā lea o lo’u valea ma lo’u vaivai. Tinā ea, ia e alofa, fa’magalo
mai .
Singing: E le gata i lona alofa, ae tu’uina atu fo’i lona ola,
E feta’ia’i ia ma puapuagā, ae le fa’afiti ai le alofa,
Pa’i mai, fa’amagalo mai, lo’u tinā
