O le Olaga o Samoa (medley)

Samoan life

(Lapi Mariner version)

O le olaga o Samoa
e manaia tele lava
E mavaevae ona tulaga
i le soifua mai o tagata

Paga lona manaia
aemaise le mamalu
O oe o ia ma a’u
Ia iloa ona ava ma mata’u

Tautuana ma oe
fautuaga uma ia
E mo’omia lou toe fo’i mai
ma le tausafa’afia
E mo’omia lou toe fo’i mai
ma le tausa’afia

(from Pei o auma)

E tu manu ae lili’a
I le feagaiga ua osia
Ne’i nimo vave pei o se miti po’o se li’a
Lo’u alofa sa fa’alilo
Fa’anaunau atu ia te oe
La’u lupe ua gata ai lo’u fa’amoemoe
La’u lupe ua gata ai lo’u fa’amoemoe

(from Le ele’ele…)

Le ele’ele ua le malie i vai
Si’ufofoga fia fa’alogo ai
O lau amio o le agavaivai
Sosolo i ivi o’o i le fai’ai

La’u pele ua e polepole vale
Ua e tu’u i le uta a le vale
Ua e le onosa’i ma e fa’apalepale
Po’o sou tofi ita mai le lagi

(from Manu o le Vaveao)

Manu o le vaveao
e tausani i fuga la’au
A e ala usu ita
i le faiva o mafaufau
Talu o lo’u popole
ne’i te’i ua le taulau
taunu’u ai le upu:
Ua le au le ina’ilau

Aue, aue! Se’i fai mai sau upu
pe tua i ni mala, pe tua i manu
Sau funa la’u pele, sau ma sina ipu vai malu
se’i inu ane ai tama o le nu’u
se’i inu ane ai tama o le nu’u