O’u Mafaufauga

In my thoughts every day is the desire to see and be with you, my beloved. Gorgeous old school sentiments of love from iconic Penina o Tiafau.

O’u mafaufauga, e puna mai pea i aso uma
Le fia va’ai, le fia fa’atasi ia oe suga
La’u ma’asoama, oe la’u toekosi, sili le manogi
La’u tifa i moana, la’u taimane, le fili o tama

Sa ou saili, Upolu Savai’i ma Apolima
A ua leai se fuala’au ou te tauina
Talu ai lo’u fa’avalea i la’u penina
O lo’o susulu mai i le motu o Tutuila

Chorus
Sau ia oe la’u manamea
Se’i ta’u mai ea
Po’o iai ea se isi au honey
Po’o ita lava ua tasi, tiula’i le lagi
Ta mafaufauga
O ia le pule fa’asoa o mea uma
Ia malutia i lona alofa, lo ta’ua ola
Fa’apea fo’i ma le tele o fa’aosoosoga

Aue ta musu ne’i moamoalulu
Oa ta’ua upu
Male masaniga, ne’i aveave fa’aselemutu
Ne’i pei o le uo a le pe’a ma le isumu
Ne’i togi le moa a’o si ona afa ua e u’u

Le sini o lo’u nei agaga, fai maia sau tala
Le tumurumu o lo’u fatu sou manatu
Fai maia o sou taofi pe te alofa moni
Manatua la ta tautoga se’i o’o i le oti
(Chorus)

One Reply to “O’u Mafaufauga”

  1. I thank God, Alapati and Maria, everyone and everything for the beatyful music! Definitely the most original and unique music styles! Malo Ie sausaunoa fa’a. Samoa! Thanks for the post!

What are your thoughts...?