Sāmoa e, ua lava, Ou tala le ‘apa
E ui ina lavāsῑa, Togafau e manino lava
Tālagi soifua, e iloga lāvā ‘afa
Ō Sina lē ’a vele, le sili’āga i fa’atūfugaga
Tala o lē amatāga, Le faia o le foāfoāga
Na nunumi mea uma, Ua na’o le ta’aiga o kasa
Na fegaoia’i, Le Atua i le agaga
Tu’u mavaevae le pouliuli ma le malamalama
Ō Sina lē ’ā vele, nai le papa i Galagala
Na peleple le ala i le fau i Sagana
Ola i pa’i i ō la lima, i le fe’e mana
Sāua ai le Vailepa so’otama Atua ma tagata
Le fe’e lea ua teva, ua to’atama’i
Ua lāfoa’i i le sami ona fa’atuati
To’a le vaivati, ala o āpiāpi
Galoma ‘oa Laloata, ma’alo’alo toe ma’ani’ani
Samoa e, ua tafa, Ata i lē tafeaga
Na fesapoa’ina e pule’ava māgafagafa
O fea lau fa’ato’a ai le malamalama
Ō Sina lē ’a vele, tatago ai ma fofoga le toafa
Ō Sina lē ’a vele, nai le papa i Galagala
Na pelepele le ala i le fau i Sagana
Ola i pa’i i ō la lima i le fe’e mana
Sāua ai le Vailepa so’otama Atua ma tagata
Samoa e, fa’āmaela, Le fua ua fa’alepa
Ua e inu malie, ua e taumafa i vai lele’a
Ua e māepa, ua tuana’i Afega
Ō Sina lē ’a vele, na mua’i tutu ai lamepa
Samoa e, me’eme’e, i le malamalama
Sa taupulapula, lē vaoa pei o ni ‘alafa
Le palepale o tama, Asaliga su’o ala
Samoa e, ua ē, ‘oloa lu’ulu’u i pulu pasama
Ō Sina lē ’a vele mai le ūlu papa
Na pelepele le ala i le fau i Sagana
Ola i pa’i i ō la lima i le fe’e mana
Sāua ai le Vailepa so’otama Atua ma tagata
Sāmoa e, ua mamala, Ta te le matanana
O Sina lē ’a vele, na mafoafoa ai lālāma
Na ‘e se’i le ma’ali, Ma le pa’u o toafa
Ma si au fa’asolo, O lē sinano le fua o le fasa
Tasi iva, iva ono, Ua ulufale tausala
Ua ‘e sui o le lou, Pe ‘a fotu le isi fuata
‘Ie lanulau’ava, le sei pua a le mana
Ma le ‘ulasisi sāmasāma, Mai le Alamoana
Ō Sina lē ’a vele, Nai le vai o tausala
Na velevele le ala i le fau i Sagana
Ō Sina lē ’a vele, Nai le vai o tausala
Na velevele le ala i le fau i Sagana
Ola i pa’i i ō la lima i le fe’e mana
Sāua ai le Vailepa, so’otama Atua ma tagata
Ō Sina lē ’a vele, mai le ūlu papa
Na velevele le ala i le fau i Sagana
Ola i pa’i i ō la lima i le fe’e mana
Sāua ai le Vailepa, so’otama Atua ma tagata
Ola i pā’i i ō la lima i le fe’e mana
Sāua ai le Vailepa, so’otama Atua ma tagata
Ua le’o koe iai se fau gagana. Ua le’o koe gogolo le papa i galagala, ua keva mo’i lava le Akua fe’e mamaga, Ae gimo Siga le Avele i le ‘ele’ele. Ua leai le koe kilikili i le papa i galagala o iai le fa’asoifuaga i alo o Sauleukogipo’e ma le kaufia a Kaulapapa. Ua ga’o Kuilaepa lava lea ua magavagava ma ga segia uma mauli o laga lafu filifilia e kumua ma le pule iku’au ma alakaua, O aiga i le kai ma le va’a o Fogoki. E koeiki’iki fa’apea mai o pa’ia uma gei e i lalo o le pule’aga Chairman Chi..LOL
Mea sili e le o keke’e uma gae pa’ia e pei o le aofa’i a Chairman Jay 🙂
LOL O loga fa’afikauli lega, ua le keke’e uma ae kaumulimuli uma le koloa’i o le fagaga..hahaha. E laiki a gai fagau ua fa’ake’a ma le susu..hahaha.
Hope you are having a great covidful I mean covid-free Holidays. LOL.. Maguia le Kausaga Fou homogeekgirl
Pei a ua keke’a uma fo’i ma le susu le au kalepe fale..LOL
Haha… ae a? Ua leva ga keke’a ma ka’ape le au kalepe forenz ae leai ma gisi o fia kekepa mai e vaai le loomakua. Lolll… hope you had a great holiday. Lessgo 2021 😀
Oi kalofa e, i si lo’omakua, ia se’i kaumafai le koeaiga e fai ma sau e asi mai le lo’omakua..LOL. and yep, holidays was great, thank you. and sure, hello 2021 and lets go F.A.S.T..haha
I love this song, I love to listen to it over and over again and Fa’afetai Punialava’a for giving us another amazing song to listen to on repeat.