Samoan pride
E lumafale i moana ae tua i le papa
E lauiloa i fa’atautaiga i le vasa
Si ona tamaoaiga o lo’o maua mai
I laufanua naumati ma le alititai
Chorus
Ne’i e siligia ita Samoa po’o ai
O tala’aga o le lalolagi e te silafia ai
Aiga i le Tai e ua e masani
O le to’oto’o e tausia le fealofani
Le pa’ia i le to’afa ua e mautinoa
Usoali’i fa’apea alo o Malietoa
Susu mai Sa’u ua atoa ou tapa’au
Ae pola puipui e Futi ma Auapa’au
(Chorus)
Ne’i taumate si o’u matupalapala
A’o tolofale le alo o Tuia’ana
O tofiga lava ua alai ona e fa’alupe
O ita nei o le feagaiga a Tumua ma Pule
(Chorus)
Ne’i fa’apea ua ou fatu fua o se tala
O tala tu’u o le atunu’u ua malamalama
O le olaga tauivi talu mai le vavau
Sau ia ua malie toa ua malo tau
(Chorus x2)