Ao Ua Punitia Ai O Le La

Ua oo mai lo’u fa’anoanoa
O mafaufauga e tupu pea i aso uma
Vaivai lou tino talu ai oe funa

O lo’u alofa e le gata mai
Seiloga o le oti na te mafai
Ae tu’u ia ai, sau lava o se aso
E maua ai o se tali nai ou manao

TALI:
Fetu o le lagi sei ta’u mai
Se i’a o le sami sei talanoa mai
Ua goto o le la sau le pogisa
Ua lilo atu ai ou foliga

O oe o le ario, o le taimane
a o ita o se ma’a e ta’avalevale
ua ou le iloa ina pe aisea
ua faigata ai o se puapuaga

O oe lava o si o’u taimane moni
na ou filifilia i le faamaoni
Ma lo’u talitonu o la’u lava sa ‘eli
e le vave ona u mai lou keli

TALI:
Fetu o le lagi sei ta’u mai
se i’a o le sami se’i talanoa mai
ua goto o le la sau le pogisa
ua lilo atu ai ou foliga