Falaofuta

Le teine lea o falaofuta sei tuu mai lau lalaga ula
ia malie mai oe Fitiuta sei faaeva i le atu u’uga
oi aue ua tala mai toga o le Pulouoleola
le Tasiaeafe ua mu pito tasi oloo teu nei i le lagi

Tamalii ua sau nei
o le ula o lenei Selegapepe
ma le fono ia Savavau
Alii oloo fao mai nei
sa o’u nofo ma mafaufau
ma filifili se faatatau
na tatau ona lauie i le papa oloo teu i le vaeluaga

Tali: Sau laia sau laia sei ta o
ma se’i faalogo i upu o lou va malo
a’o fea ea lou tautua a’o lenei ua liua malo
sau se’i sau ia i le vai se’i e tofo

Puao o lagi lena
O lea lava tualua ae fafa i le tua
ma le Matumaivai
o le ie lena sa ou tiu ai
le ie lena matua fa’alava ua le mo le Togasa
ma le polouoleola i luga lona ava togi isi maia

Tali: oi Sau laia sau laia sei ta o
ma se’i faalogo i upu o lou va malo
a’o fea ea lou tautua a’o lenei ua liua malo
sau se’i sau ia i le vai se’i e tofo
sau se’i sau ia i le vai se’i e tofo

—
submitted by Maosi