Lavalava Samoa maeu lona manaia

Admiring the Samoan lavalava (sarong, wrap around), especially when it beautifully adorns a princess who is dancing to celebrate a joyous event. 

Lavalava Samoa ma’eu lona manaia
O le siapo ma le ula fala ma si au ata’ata
E faigofie lava o nai au teuga
E maua lava le lau u’a e le fa’atauina

Aumai le siapo e fai ai lau ie
ai manaia fo’i o se fala lau’ie
oso loa, lo’u tei, i nai ou la’ei
Fa’asamoa moni, o si a’u tala moni

A o si ou ie e sulu fa’asaniti
Fesili loa teineiti po’o o ai le soga’imiti
Oso loa le mimita, tama, i si ou fika
Tau mai sau sei ma sili i lo’u taliga

Lavalava Samoa ua tau leiloa
talu ai o le tele o tu fa’aEuropa
Lavalava Samoa ma’eu lona manaia
o le siapo ma le ula fala
ma si au ata’ata