Le manutagi e ua tagi ta’amilo

 Written by a man whose brother was taken away to a leper colony in Makogai, Fiji.

Le manutagi e ua tagi ta’amilo
Pei o se ta mai o se logo fa’ailo
Ma’imau pe ana iai se televise
Se o penei ua ilo atu lo’u tino

Aumia le lupe e fai ona apa’au
Pe ana o a’u e lele atu ma toe sau
Se’i ou asia le atu Fiti ma Makogai
Aue Tasi e, ta fia alu nei iai

Matua e, se’i ala maia sa’ili le tama
Po’o moe po’o tafao i le taulaga
Sa’ili ane ma su’e ane i Vaitele
Se ae faimai ua te’a ese ma Aele

Aumia le lupe e fai ona apa’au
Pe ana o a’u e lele atu ma toe sau
Se’i ou asia le atu Fiti ma Makogai
Aue Tasi e, ta fia alu nei iai

E ui na maua lou tino i le ma’i
Pe le o vai po’o ali’i foma’i
To’aga pea i le tatalo to’atasi
E le pine ona maua lona tali