Ua Ata Mai Le Teine (Pese o le Pagota) / O le Mau

Ua ata mai le teine i la matou foeleni
Ua tofu matou ma le salu i ele auala tele
E faapei o ano ua pulumu o lea mea ese

Tiga sou aulelei ma sou fa’asanisani
Ta musu ia te oe ele maua ai sau masi
E pei tai o vaimea e fai o le sua ele savani

E le galo isi ou loto lota ie tau le soo
Ate tele ai le savali i ua saviligia le matagi
I lese toe fiafia pea tei taua ua faa tafea

E tate le fia manatua le kalone namu leaga
Tumu uma ua suasua e tafe ifo ile fatafata
Le kalone taufaasese faapei ose manogi ose mea ese

Talofae ia Mila us toe lili mai foi
Ne ave i Niu Sila le sitima e faapea lava ua oti
Mila mai faafiaula na e faatitipa i le tagatu’usuka

E leoleo sele pau ia lau susu i papalagi
A oo i lau tiute e tai toalua i le vasi
O lau gutua fagaga ese soo lau muli atoa i le lafa

Kaisa ma’i lau asa sola lafi i Siamani
O fea au folafolaga
O lenei lava e kakali
O se’etia lota paopao o le malu mai o le taetaeao

Ua ata mai le teine i la matou foeleni
Ua tofu matou ma le salu e ele auala tele
E faapei o ano ua pulumu o lea mea ese

(Punialava’a version:)

Ua ata mai le teine i la matou foeleni
Ua tofu matou ma le salu i le auala tele
E faapei o ano ua pulumu o lea mea ese

Tiga sou aulelei ma sou fa’asanisani
Ta musu ia te oe ele maua ai sau masi
E pei tai o vaimea e fai o le sua i le savani

Vili maia o le faili ieie loa ma le naifi
ua oso tua i le foeleni ma auro ma keniseni
le palagi ua nanu mai ia e sese lau tali i ai

e leoleo sele pa’u ia lou susu i papalagi
a o’o i la’u tiute e taitoalua i vasi
e toe aso fiafia pea te’i o tatou o faatafea

iuni o le tasi valu valu iva e le fia fa’agaloina
le mamafa o sauana o nai ali’i pulou apa
sili lava ona fa’afolau ina ia ola le sala tigilau

E le galo isi ou loto lota ie tau le soo
Ae tele a’e le savali i ua saviligia i le matagi
Tupu e o le atunu’u fa’atasina i le ipu lale fulu

Talofae ia Mila ua toe lili mai foi
Na ave i Niu Sila le sitima e faapea lava ua oti
Mila mai faafiaula na e faatitipa i le tagatu’usuka

ua limulimua o tagata i le ma fia o le lotaga
e leoleo fia palagi e maua oe i se fasi fa’i
lau gutua fagafaga e so’o atoa lou ua i le lafa

ta te le fia manatua le kalone namu leaga
tumu ua tama suasua tafe ifo i le fatafata
le kalone tau faafete pei lava se manogi o se mea ese

Kaisa e ma’i lau asa sola lafi i Siamani
O fea au folafolaga
O lenei lava a tatali
O se’etia lota paopao o le malu mai o le taetaeao