I lo’u nofo ī vāifanua, o o’u maepa i le laumua
Niu Sila Samoa o Solosolo le fetu tāua
Ē afio ai lē Taofia, ma si a latou tamā, Tupōlesava o le alualu ma le manā
Ia e manatua, tala i fa’afanūa, numera muamūa o Solosōlo mai anamua
O nāi ona auala e fa’ata’amilo, e ese le uiga
E lāpotopoto pei o le li’o o le masina
E i ai fo’i o malaefono, o lo’o teu ai o le tofā
Si’umo’o Vaioa, tuā Lalogafu’afu’ā
E alala ai Saleutogi, o le fuamanū o faleupolu tau ua tusiā i le mavaega a Taulapapā
Saleutogi e, sau inā e alu, e ua uma tama ua ta’itasi ma le nofoāga
Sau i nā e nofo i lou fale ‘ē lē folā, e fōla i le tofā, e fola i fetalaigā
Tofiga a Taulapapā, i le tō’atolu o tama
Ua tofu latou ma lē falēupolu e tausiā
O so’o Masani Faleāsā ma Pēnui i Sagagā, ma le lua i Alii i le Sa le Muli’agā
Saleutogi e, sau inā e alu, e ua uma tāma ua ta’itasi ma le nofoaga
Sau i nā e nofo i lou fale ‘ē lē folā, e fōla i le tofā, e fola i fetalaigā
A fa’aletonu lou loto, va’ai ane loa se pasi
i le maketi fou i Savalalo e te malaga mai ai i Solosolo
Po o le Anoama’a e te i ai, saili ane i ai sou sei e te talitonu ai
o tama na e fai mea mafai
Saleutogi e, sau inā e alu, e ua uma tāma ua ta’itasi ma le nofoaga
Sau inā e nofo i lou fale ‘ē lē folā, e fōla i le tofā, e fola i fetalaigā
Ia e manatua, tala i fa’afanuā, numera muamūa o Solosolo mai anamūa
O nai ona auala e fa’ata’amilo, e ese le uiga
E lapotopoto pei o le li’o o le masina
